Ikajurianganik atuliqpallianikhanut Inuit Uqauhingit Tammaqtailininga Maligaq (ILPA), tunihimaaliqtugut Inuit Uqauhirnik Upalungairutikharnik Malikhautikharnik.
Una titiraq tunihijuq naunaijaqpiaqhimajumik atugahanik katimajiinun – ilaujut kanatami uvalu aviktuqhimajuni havagviit, haamlat, uvalu nanminiqaqtut timiujut – hapkununga:
- uqauhiliqinikut aturiaqaqtamingnik ilagani Inuit Uqauhiinik Munaqhinirmut Maligaq (inuit naunaipkutit, takuupkaijutinik, kivgaqtuqtunik ikajuutinik, akiligakhanik, itqaijutinik, aturluaqtuniklu tuhaumajutinik Inuktut).
- qanuq upalungaijaijautikhat Inuit Uqauhingit Upalungaijautit, hanalrutikhaq ihivriurianganik tadja atuqtakharnik upalungaijautit naunaitumik uuktuutikharnik iniqtigijaangat malikhautikharnik.
- piniarungnaqhijut qanuriliurutikhat uuktuutikhallu (numiktirilutik takkunaqtut titiqqat, tunihilutik havaktinut uqauhikkut ilihaidjutikhanik, havaktikhaqhiurlutik uqaqtikhanik, piliurlutik iluanni havauhikhainik, taimaalu).
- Ihivriurninnga angirutinganiklu havaangit pijait Havagvinganit Uqauhilirinirmut Kamisinanga Nunavunmi.
- Havauhikhat hiniktarvikhanik, hailijukhannik nanminiqaqtut havaaqaqtunik timiujunik atuqtunik akhuurutinik pivagiagani havaarijakhatik.
Hapkuat maliktakhat naunaiqtaillu havaanga Uqauhiinut Kamisinap ihivriuqtamingnik, munarigiami, unalu, ihariagijaukpat, ihariagijuq aadlangurninngit tunijaujunut ihumaliurutingit. Taimaittut, ihuaqtut maliqajakhanut atuqtakhat tamainut timiqutaujunut tunihijut kivgaqtuidjutikhanik inungnut Nunavunmi.
Piinarialik tamaat titiraq hamani: Maliruakhat – Inuit Uqauhiinik Upalugaijaut.