ILITARIJAUHIMAJUT UQAUHIKKUT MALIGAQ (OLA)
Tamna Ilitarijauhimajut Uqauhingit Maligaq Nunavunmi ilitarijait pingahut Ilitarijauhimajut uqauhingit: Inuktut (Inuktitut uvalu Inuinnaqtun), Qablunaaqtun, Uiviititunlu.
Pidjutijuq Nunavunmiut pilaarutimik uqaqatigiigutinik pijaamilu havagutinik Nunavut Kavamatkunnin, Maligaliurvingmin, apiqhuivingnin, haamlatkunninlu ilitarijauhimajukkut uqauhikkut aturumajamingnin.
Ihariarijuq kavamatkunni havakvingit akhuraaluk tunigiami havaangit hapkuat uqauhingit.
Piliuqtaalu havaanga Havagvinga Uqauhiliqinirmut Kamisinaup munaqtiuluni uqaqtiulunilu hapkununnga pilaarutinut.
Takulugit ilitarijauhimajut atauttimungakhimajut titiraqhimajut Ilitarijauhimajut Uqauhiit Maligaq:
ILITARIJAUHIMAJUT UQAUHIKKUT MALIGAQ, Ilitarijauhimajut Katitiqhimajut ukuat | Maligat
INUKTUT TAMMAQTAILININGA MALIGAQ (IPA)
Ukua Inuktut Tammaqtailinirmut Maligaq (IPA) aulaniaqtuq tamaqtailijaangat, atukhimaaqujaangatlu pivalliajaangat Inuktut inuuhimaaqtukharnik uqauhirnik tamaini kituni nunalaani inuuhiani, ilaujut havagvingmi, ilihainikkut, nunalaanilu ikajuutikharnik avatingni Nunavunmi.
Ataani ilangani 3 uumani IPA, timiujut — ukualu inuit timigijait, hamliujut, nanminiq havaaqaqtut timiujut kavamatuqanilu huliviujut aulajut Nunavumi — atuinariaqaqtut Inuktut qahariangani ukunani:
- Nunalaani naunaitkutit (ilaujut amirakhuutiqaqqan anitiqvikharniklu naunaitkutit)
- nivingajut uvalu nanminiqaqtut tuhaqtidjutit
- titiqqiqiji, Akiliqtuijunut Inungnullu Ikajuutikhat
- ihariagijaujut kivgaqtuutillu aanniaqtailinirmun, iglutigut, niqitigut, imarmik, uqhuqjuamik, tuhaqtidjutinun, tungahuktitinirmunlu
- tuhaqtidjutit, qajaridjutit, atugakhat, akiliqtakhat, akiliqtakhatlu uvalu aalat pitqujaujut tuhaqtidjutit
IPA pitqujaillu Havakviata Uqauhikkut Kamisinap Nunavunmi (OLCN) munarilugit maligakhat, uqautilugit timiujut, munarilugit kivgaqtuutit tunihidjutait uvalu hatumiaqlugit pijakhat maliktaungitpata.
Takulugu ilitarijauhimajuq atauttimungaqtikhimajuq titirakhimajuq uumani Inuktut Tammaqtailinikkut Maligaq:
INUKTUT TAMMAQTAILINIRMUT MALIGAQ — Ilitarijauhimajut Atauttimungaqtikhimajut