Aulapkaiji Hanaqidjutinun Upalungaijainirmun Atugakhanullu: Aramide (Lola) Owoaje
Aramide (Lola) Owoaje, Aulapkaiji Hanaqidjutinun Upalungaijainirmun Atugakhanullu talvani Havagviani Uqauhinun Kamisinaup Nunavunmi. Umani havaangani, havaqatigivaktaa Uqauhirnut Kamisina tammaqtailivlugu uqauhikkut pilaarutit Nunavunmiunut. Pihimablugu Havagvik ihuangnikkut pihimajut havagiangini pitqujaujut imaa havaklugit hivuliqhuqhugillu ajuittiaqhimajut havaqatigiit ihivriuqtaaqtut uqauhikkut ihuiguhuutit uvalu piliurlutik ihuaqtunik pitquidjutinik ihuaqhaidjutikhanik.
Ajuittiagiikhimajuq havakpakhimajainik maniliqinikkut, maniliqinikkut, atugakharnik, ihivriudjutikharniklu, Lola qaritijuq avaliqangitumik ajuittiagiikhimajainik havaagijainun. Nunaqaqpakhimajuq Iqalungni taima avatquhimajumik 10 ukiuni havaliqtinani Havagvingmi, qiniqhimaaqpaktuq naunaitumik hanaqidjutikharnik tuniffaagianganik nunalaanun taima aituihimaaqpakhimajut anginirmik inminun ilagijainunlu.
Inmikkut pilaqhuutit: Quviagijangit pitquhingit uqauhingitlu Nunavunmi, Lola quviahuutiqaqtuq havakpaktainik talvani Havagviani Kamisinam Uqauhiliqijunik. Quviagijaingit tautugianganik uqauhingit malikhautikhangit Nunavunmi pittiaqtaunginaqtuq quviahuutiqaqhunilu ikajugianganik Nunavunmiunun naunaijaijaangat uqauhingit pidjutigijaingit munagidjutikharnik.
Hanaqijakhanik Ajuittiaqhimajuq: Wendy Makpah
Wendy Makpah-Tatty Hanaqijakhanik Ajuittiaqhimajuq uvani Havagviani Uqauhiinut Kamisinap Nunavunmi. Hivuliujuq hivajagahaq qujaginaq ihuiguhuutinun ilaujunun aviktuqhimajumi hitamat uqauhiitigut. Ilauliqtuq Havagvianun uvani Tattiarnaqtuq 2024.
Ilaliutihimajuq havaamini, Wendy Atiliuqhimajuq Iqaijangnikkut Mamihaiji havaatigut quviagijaa miqhurnirmik ilihainirmiklu. Taima Inuk malrungnik uqauhiqaqtunik maamaupluni, akhut havakhimaanginaqtuq pihimajaangat Inuktitut uqauhirnik inuuhimaagianganik hivunikhaptingni kinguliptingnun. Inminut, ihariagijaujuq takugiami Inuktitut ilaliutijuq haniani Qablunaatun Uiviititunlu inuit katimaviinni, naunairmagu akhuurninnga Inuit uqauhinganik kinaujaakhaaniklu Nunavunmi.
Ihivriurutikhanut Ilittuqhaidjutikhanullu Havakti: Rebecca Taukie
Rebecca Taukie angiklihimajuq Kinngaini 48 ukiuni, kinguani nunaqaqhimajuq pingahuni aalani nunallaani. Aipagaluangalu, Joe Taukie, pamiqhijuq talimanik nutaqqanik atuqhimablugulu Aullaqtitauhimapluni Ahinut Ilihariaqtuqhimajunut atuqtaujumik.
Havakhimaanginaqtuq amigaitunik ukiunganik havaagivakhimajainik ikajugianganik iliharvingmi titiraqtiuvakhuni DEA Havagviani Atan’ngujauvakhuni nuutinani Iqalungnun 2019 malrungnik ukiunganik Uqaqtiuvakhimajuq/Numiktigijaangat ilihairutingnik. Iniqtiqtaa ilihaidjut uvani 2022 anginiqharmik naunaitkutaqaqtuq uvalu nan'ngarijaujuq.
Rebecca havaliqtuq Havagviani Uqauhikkut Kamisinap Nunavunmun Ihivriuqti Ihivriuqtilu Havakti, humi ihivriuqhugit ihuiguhuutit ihumaliurutigiblugit pijaangnirit ataani Ilitarijauhimajut Uqauhikkut Maligaq uvaluuniin Inuit Uqauhiitigut Tamaqtailinikkut Maligaq.
Inmikkut pilaqhuutit: Rebecca akhut havakhimaanginaqtuq tamaqtailijaangat akhuqhairutikharnik Inuktitut uqauhirnik. Tautuktitihimaaqtuq ingutani ingutanilu Inuktitut ubluq tamaat, pihimablugu pihimalugu uqauhiq hivumut hivuniptingni qaijunun.
Nukakhiujuq Ihivriurutikhanut Ilittuqhaidjutikhanullu Havakti: Ayette Tshimanga
Ayette Tshimanga, Nukakhiq Ihivriuqhinirmun Qaujiharnirmunlu Havaktia – Havagvia Uqauhinun Kamisinap Nunavunmi.
Uvani havaangani, munagihimaaqpaktuq ihuagijaungitunik tujuqtauvakhimajut Havagvianun, talvanga naunaijaijaangat pigiaqaqtunik ihumagijaujunik aulatitijaangat ihivriudjutikharnik ikajuutikharnik nanminiqaqtunik havagviingit pivalliajaangat aulatitijaangatlu Inuktitut Uqauhirnik Upalungairutikharnik.
Inmikkut pilaqhuutit: Ilihimajuq malruuk Nunaqaqqaaqhimajuk uqauhingit tammaqpaktuq tatqiqhiut tamaat nunarjuami, Ayette akhuraaluk pipkaidjutijuq ilihimaninnganit havaangit tunijuq tammaqtailininnganut atuliqtitauninnganullu Inuktitut. Talvuuna havaagijainik, ikajukhimaanginaqtuq havagvingnun Nunavunmi iniqtigijaangat atuqhimaagianganiklu uqauhikkut hivunikharnik hivunikhaptingni.
Qaujihainirmut Tuhaumapkaidjutikhanullu Tutqikhaiji: Philippe Andy Desgrottes
Philippe Andy Desgrottes Qaujihainirmut Tuhaumapkaidjutinullu Tutqikhaijiujuq uvani Havagviani Uqauhikkut Kamisina Nunavunmi. Umani havaarijakhami, munaqhijuq qaujihaidjutikhanik, katiqhiluni naunaitkutikhanik naunaijautikkut, tunihiluni ukiuq tamaat unniudjunmik, imaalu upalungaijarluni pitqujauhimajunik. Havaqatigiblugulu Hivuliqhuqti Atulirumajaujunik Upalugaijainiq Pitquhirniklu agitqijanik hulijutinik ikajuqtuijut Titirarviup havaakhitauniginik.
Inmikkut pilaqhuutit: Philippe quviagijaa aituijaangat hanaqidjutikharnik anginirmik inminin, talvuunaluaq uqauhirnik utiqtitijaangat munagidjutikharniklu uqauhirnik pidjutigijainik. Ihumagijuq hakugiktut uqauhingit akhuurutaujuq hakugiktigiami tamarmik kinaujaakhaanik nunagijamingniklu tamainni Nunavunmi.
Tuhaqtipkainirmut Ajuittiaqhimajuq: Cedric Samy Yann Kam
Cedric Samy Yann Kam Tuhaqtipkainirmut Ajuittiaqhimajuq talvani Havagviat Uqauhirnut Kamisina Nunavunmi.
Umani havaarijakhami, munarivaktait Havagviup iluani hilataanilu tuhaumapkaidjutikhat, ilaujut qaritaujakkuurutit, inungnun tuhaumapkaitjutinin takunnaqtut, makpiraaliuqhimajut, kangiqhipkaidjutikhat, imaalu ikajuqhirvikhat titiqqat akhuuqhaijut qaujimajakhainnik uqauhikkut pilaarutinik. Ikajukhimaanginaqtuq iliqatigiiktunik naunaijaijaangat tamaita tuhaqtitijaangat naunaitunik, pigiaqaqtunik, pittiarutikharnik Nunavutim hitamaujut ilitagijauhimajut uqauhingit: Inuktitut, Inuinnaqtun, Qablunaatut, Uivititullu.
Inmikkut pilaqhuutit: Hakugiktumik havakpakhimajuq tuhaqtitinikkut uvalu titirqiqinikkut, Cedric ukpiruhuktuq uqauhiq ikajuutaunginangituq tuhaqtitinikkut kihimi atadjutaujuq naunaijautinun, pitquhirmun, uvalu mihingnautinun ilauqatigiingnirmun. Havakpaktait talvani Havagvingmi aituihimaaqpaktun munagidjutikharnik atuqhimaaqujaangatlu uqauhirnik pidjutikharnik, ikajukhimaaqhunilu naunaijaijaangat tamaita Nunavunmiutat inuuhimaagianganik uqauhirnik ihumagijarnik.