Uqauhilirijiitkunnut Kamisinaup maliktakhait atuliqtitaugiami munarigiamilu uqauhingit pilaarutingit uumannga Nunavunmiut tammaqtailihimajuq Nunavuutim uqauhingit Maligaliurvingmi.
Havaarijait Uqauhirnut Kamisinap piliukhimajut ataani Ilitarijauhimajut Uqauhikkut Maligaq (OLA) unalu Inuktut Tammaqtailinirmut Maligaq (IPA).
Pitqujaujut:
Atuqtakharnik tapfuminga Uqauhirnik Kamisinam atuqhimaaquyaangat munagiyaangatlu uqauhingit pidjutigiyaingit Nunavunmiunun havakhimayut talvani Nunavutim uqauhingit malikhautikharnik. Havaanga Havagviup akimanahuariami pingahut aadlatqiiktut uqauhilgit nunallaangit: Inuktut-uqayuktut nunallaat, Uiviititut-uqayuktut nunallaat, unalu Qablunaatitut uqayuktut nunallaat.
Havaarijakhait:
Uqauhiinut Kamisina piqaqtut hitamanik havaarijakhaqaqtuq:
- Amiriniq – Uqauhirnut Kamisina munarivagait ihivriuqhugillu havauhiit avikturviinni huliviinni, nunalingni kavamangit, nanminiqaqtut katimajiit Kanatami kavamangata havagviit, katimajit huliviillu pivagiagani havaarijakhatik ataani Nunavutim uqauhikkut maligat.
- Uqaudjiji – Uqauhirnut Kamisina uqaudjuijuq, ikajuqhuni havaqatigiplugillu avikturviinni huliviinni, nunalingni kavamangita, nanminiqaqtut katimajiit Kanatami kavamangata havagviini, katimajiinni huliviinnilu ikajuutaitigut tuhaumapkaidjutikkullu pijakhainnik. Havagviklu kangiqhipkaqhugit Nunavunmiut inmi uqauhiitigut pilaarutit.
- Unnirlugviujuq – Uqauhirnut Kamisina ihivriungniaqtait qujaginnait ihuinaarutaujut uqauhikkut maligaujut aviktuqhimajuni huliviinni, nunalingni kavamangit, nanminiqaqtut katimajiit Kanatami havagviinni, katimajiinni huliviinnilu. Havagvik ihivriuqtaaqtuq, naunaijarlugin unniudjutiniklu, tuhaqtipkainikkut nunallaani ihumaliurlunilu qanuqtun pitquinikkut ihuaqtunik hulinirnik kiuniaqhimanikkut uqauhiinut pilaarutinik ihuinaarutinik.
- Uqaqtiujuq – Uqauhirnut Kamisina uqaqqatigivagait havaaqaqtut timiujut ihumaliuquplugit, atuqpagait, maligakhallu ihumagiplugit uqauhikkut pilaarutit.