ᐅᖃᐅᓯᕐᓄᑦ ᑲᒥᓯᓇ ᐃᓛᒃᑰᖓᓪᓗᓂ ᐱᓕᕆᔨᐅᕗᖅ ᑕᐃᑲᓂ ᒪᓕᒐᓕᐅᕐᕕᖕᒥᑦ ᓄᓇᕗᒻᒥ ᑎᒃᑯᐊᖅᑕᐅᓲᖅ ᐊᕐᕌᒍᓄᑦ ᑕᓪᓕᒪᓄᑦ ᑲᒥᓯᓇᒧᑦ ᓄᓇᕗᒻᒧᑦ ᐱᖁᔨᕗᖔᓕᐊᕆᔭᐅᓚᐅᖅᑎᓪᓗᒍ ᒪᓕᒐᓕᐅᕐᕕᖕᒥ. ᐱᔭᒃᓴᕆᔭᖏᑦ ᐅᖃᐅᓯᕐᓄᑦ ᑲᒥᓯᓇᐅᑉ ᐋᖅᑭᒃᓯᒪᔪᑦ ᐊᒡᒍᖅᓯᒪᓂᓕᒃ 22−ᒥ ᑕᐃᑲᙵᑦ ᐅᖃᐅᓯᕐᓄᑦ ᐃᓕᓴᕆᔭᐅᓯᒪᔪᓄᑦ ᐱᖁᔭᕐᒥᑦ (OLA) ᐊᒻᒪᓗ ᐊᒡᒍᖅᓯᒪᓂᖓ 28 ᑕᐃᑲᙵᑦ ᐃᓄᐃᑦ ᐅᖃᐅᓯᖓᓄᑦ ᓴᐳᔾᔨᓯᒪᓂᕐᒥᑦ ᐱᖁᔭᕐᒥᑦ (ILPA).
ᐱᓕᕆᐊᒃᓴᑦ:
ᐱᓇᓱᐊᒐᕆᔭᖓ ᐅᖃᐅᓯᕐᓄᑦ ᑲᒥᓯᓇᐅᑉ ᓴᖅᑭᔮᖅᑎᑦᑎᓗᓂ ᐊᒻᒪᓗ ᓴᐳᑎᓗᓂᐅᒃ ᐅᖃᐅᓯᕐᓄᑦ ᐱᔪᓐᓇᐅᑎᒋᔭᐅᔪᑦ ᓄᓇᕗᒻᒥᐅᓄᑦ ᓇᓗᓇᐃᖅᓯᒪᑦᑎᐊᖅᑐᑦ ᓄᓇᕗᒻᒥ ᐅᖃᐅᓯᕐᓄᑦ ᒪᓕᒐᓕᐊᖑᓯᒪᔪᓂᑦ. ᐱᔭᒃᓴᕆᔭᖓ ᐊᓪᓚᕝᕕᐅᑉ ᑲᒪᒋᔭᖃᑦᑎᐊᕐᓗᓂ ᐱᖓᓱᓂᑦ ᐅᖃᐅᓯᓕᕆᓂᕐᒧᑦ ᓄᓇᖅᑲᑎᒌᓂᑦ: ᐃᓄᒃᑎᑐᑦ ᐅᖃᓪᓚᓲᑦ ᐅᓄᓛᖑᓪᓗᑎᒃ, ᐅᐃᕖᑐᑦ ᐅᖃᓪᓚᓲᑦ ᐅᓄᓛᖏᓐᓂᑦ ᐊᒻᒪᓗ ᖃᓪᓗᓈᑐᑦ ᐅᖃᓪᓚᓲᑦ ᐅᓄᓛᖏᓐᓂᑦ.
ᑲᒪᒋᔭᒃᓴᑦ:
ᐅᖃᐅᓯᕐᓄᑦ ᑲᒥᓯᓇ ᑎᓴᒪᓪᓗᐊᑕᕐᓂᒃ ᐱᔭᒃᓴᖃᖅᑐᖅ:
- ᖃᐅᔨᓴᕐᓗᒍ − ᐅᖃᐅᓯᕐᓄᑦ ᑲᒥᓯᓇ ᖃᐅᔨᓴᓲᖅ ᓯᖁᒥᑦᑎᓂᐅᑐᐃᓐᓇᕆᐊᓕᖕᓂᒃ ᑕᐃᑲᓂ ᐅᖃᐅᓯᕐᓄᑦ ᒪᓕᒐᕐᓂᒃ ᓄᓇᕗᒻᒥ ᑎᒥᐅᔪᓂᑦ, ᓄᓇᓕᖕᓂᑦ, ᓇᖕᒥᓂᕆᔭᐅᔪᓂᑦ ᑲᑐᔾᔨᖃᑎᒌᓂᑦ, ᐊᒻᒪᓗ ᒐᕙᒪᑐᖃᒃᑯᑦ ᐱᓕᕆᕝᕕᖏᓐᓂᒃ, ᑐᑦᑕᕐᕕᖏᓐᓂᒃ ᐊᒻᒪᓗ ᑎᒥᐅᔪᓂᑦ.
- ᐅᖃᐅᔾᔨᒋᐊᖅᑎ − ᐅᖃᐅᓯᕐᓄᑦ ᑲᒥᓯᓇ ᐅᖃᐅᔾᔪᐃᓲᖅ, ᐃᑲᔪᓲᖅ ᐊᒻᒪᓗ ᐱᓕᕆᖃᑎᖃᓲᖅ ᓄᓇᕗᒻᒥ ᑎᒥᐅᔪᓂᑦ, ᓄᓇᓕᖕᓂᑦ, ᓇᖕᒥᓂᕆᔭᐅᔪᓂᑦ ᑲᑐᔾᔨᖃᑎᒌᓂᑦ, ᐊᒻᒪᓗ ᒐᕙᒪᑐᖃᒃᑯᑦ ᐱᓕᕆᕝᕕᖏᓐᓂᒃ, ᑐᑦᑕᕐᕕᖏᓐᓂᒃ ᐊᒻᒪᓗ ᑎᒥᐅᔪᓂᑦ ᐱᔨᑦᑎᕋᐅᑎᖏᓐᓂᒃ ᐊᒻᒪᓗ ᑐᓴᐅᒪᔪᓕᕆᔾᔪᑎᖏᓐᓄᑦ ᐊᑐᓪᓚᕆᒋᐊᖃᖅᑕᖏᓐᓂᒃ. ᐊᓪᓚᕕᖕᒥ ᑐᓴᖅᑎᑦᑎᓲᖑᖕᒥᔪᑦ ᓄᓇᕗᒻᒥᐅᓂᑦ ᐅᖃᐅᓯᕐᓄᑦ ᐱᔪᓐᓇᐅᑎᒋᔭᖏᓐᓂᒃ.
- ᖃᐅᔨᓴᖅᑎ – ᐅᖃᐅᓯᕐᓄᑦ ᑭᒡᒐᖅᑐᖅᑎ ᕿᒥᕐᕈᕙᒃᐳᖅ ᖃᓄᑐᐃᓐᓇᖅ ᓱᕋᐃᔪᖃᑐᐃᓐᓇᕆᐊᖃᕐᓂᖓᓂᒃ ᐅᖃᐅᓯᕐᓄᑦ ᐱᖁᔭᕆᔭᐅᔪᒥᒃ ᐅᑭᐅᖅᑕᖅᑐᒥ ᐱᓕᕆᕝᕕᒋᔭᐅᔪᓄᑦ, ᕼᐋᒻᒪᓚᒋᔭᐅᔪᓄᑦ, ᐃᓛᒃᑰᖅᑐᓄᑦ ᑲᑐᔾᔨᖃᑎᒌᓄᑦ, ᒐᕙᒪᑐᖃᒃᑯᓐᓄᓪᓗ ᐱᓕᕆᕝᕕᒋᔭᐅᔪᓄᑦ, ᑐᑦᑕᕐᕕᒋᔭᐅᔪᓄᑦ ᑎᒥᖁᑎᒋᔭᐅᔪᓄᓪᓗ. ᐊᓪᓚᕝᕕᖕᒥ ᖃᐅᔨᓴᕈᓐᓇᖅᑐᖅ, ᓇᓂᓯᓗᓂ ᐊᒻᒪᓗ ᐅᓂᒃᑳᓕᐅᕐᓗᓂ, ᐋᔩᖃᑎᖃᖅᑎᑦᑎᓗᓂ ᐋᖅᑭᒃᓯᔨᐅᓗᓂ ᐊᒻᒪᓗ ᐃᒪᐃᓕᐅᖔᖁᔨᔪᓐᓇᕐᓗᑎᒃ ᐋᖅᑭᒋᐊᖅᓯᕙᒡᓗᓂ ᑲᒪᒋᕙᒡᓗᒋᑦ ᐅᖃᐅᓯᕐᓄᑦ ᐱᔪᓐᓇᐅᑎᒋᔭᐅᔪᓂᑦ ᓯᖁᒥᑦᑎᓃᑦ.
- ᑭᒡᒐᖅᑐᐃᓪᓗᓂ ᐅᖃᖅᑎ − ᐅᖃᐅᓯᕐᓄᑦ ᑲᒥᓯᓇ ᐅᖃᖃᑎᖃᓲᖅ ᐊᑐᓪᓚᕆᒋᐊᖃᖅᑐᓂᑦ ᑎᒥᐅᔪᓂᑦ ᐃᓱᒪᓕᐅᕆᓂᕐᒧᑦ, ᐱᓕᕆᔾᔪᓯᕐᓄᑦ ᐅᕝᕙᓘᓐᓃᑦ ᐊᑐᐊᒐᕐᓄᑦ ᐃᑉᐱᒍᓱᑦᑎᐊᕐᓗᓂ ᐅᖃᐅᓯᕐᓄᑦ ᐱᔪᓐᓇᐅᑎᒋᔭᐅᔪᓂᑦ.