ᐊᐱᖅᑯᑕᐅᒐᔪᒃᑐᑦ

ᐱᔪᓐᓇᕐᓂᖃᖅᐳᑎᑦ ᑐᓴᐅᒪᖃᑎᒌᒋᐊᒃᓴᖅ ᐱᔨᑦᑎᕋᖅᑕᐅᔪᓐᓇᕐᓗᑎᓪᓗ ᐅᑯᑎᒎᓇᖅ:

• ᐃᓄᒃᑐᑦ (ᐃᓄᒃᑎᑐᑦ ᐊᒻᒪᓗ ᐃᓄᐃᓐᓇᖅᑐᓐ)
• ᖃᓪᓗᓈᑐᑦ
• ᐅᐃᕖᑐᑦ
  ᑖᒃᑯᐊ ᐱᔪᓐᓇᐅᑎᑦ ᐊᑐᖅᐳᑦ ᓄᓇᕗᑦ ᒐᕙᒪᒃᑯᖏᓐᓄᑦ, ᒪᓕᒐᓕᐅᕐᕕᖕᒧᑦ, ᐃᖅᑲᖅᑐᐃᕕᖕᓄᑦ, ᕼᐋᒻᒪᓚᒃᑯᓐᓄᑦ, ᐃᓛᓐᓂᒃᑯᓪᓗ, ᓇᖕᒥᓂᕆᔭᐅᔪᓄᑦ ᒐᕙᒪᑐᖃᒃᑯᓐᓄᓪᓗ ᐱᓕᕆᕝᕕᖕᓄᑦ.
   

ᐅᖃᐅᓯᕐᓄᑦ ᑲᒥᓯᓇᐅᑉ ᐊᒡᓚᒡᕕᐊᓄᑦ ᓄᓇᕗᒻᒧᑦ ᐅᖃᐱᓗᒍᓐᓇᖅᐳᑎᑦ. ᑲᒥᓯᓇ ᐃᒻᒥᒃᑰᖅᖢᓂ ᐅᓐᓂᕐᓗᒡᕕᐅᖃᑦᑕᖅᐳᖅ, ᖃᐅᔨᓴᖅᐸᒃᖢᓂ ᐱᖁᔨᕗᖔᓕᐅᖅᐸᒡᓗᓂᓗ.

ᐃᒪᐃᓕᐅᕈᓐᓇᖅᑐᑎᑦ:

• ᑕᑕᑎᕐᓗᒍ ᖃᕆᑕᐅᔭᒃᑯᑦ ᑎᑎᕋᕐᕕᒃᓴᖅ ᐃᑭᐊᖅᑭᕕᑦᑎᓐᓂ
• ᐊᐅᓪᓚᖅᑎᓪᓗᒍ ᐃᕐᖐᓐᓈᖅᑕᐅᒃᑯᑦ, ᑎᑎᖅᑲᒃᑯᕕᒃᑯᑦ, ᓱᒃᑲᔪᒃᑯᓪᓘᓐᓃᑦ
• ᐅᖄᓚᕝᕕᒋᑎᒍᑦ ᐊᑭᖃᙱᑦᑐᒧᑦ ᐅᕗᖓ 1 (867) 975-5080
  ᐱᙱᒃᑯᕕᑦ ᓇᓗᓇᐃᖅᓯᔾᔪᑎᒥᒃ ᐅᓪᓗᑦ ᑕᓪᓕᒪᑦ ᐃᖅᑲᓇᐃᔭᕐᓇᐃᑦ ᐃᓗᐊᓂ, ᐅᕙᑦᑎᓐᓄᑦ ᐅᖄᓚᓂᐊᖅᐳᑎᑦ.
   

ᐃᒪᐃᓕᐊᕐᓂᐊᖅᐳᒍᑦ:

• ᓇᓗᓇᐃᕐᓗᒍ ᓇᓕᖅᑲᖅ
• ᖃᐅᔨᒋᐊᕐᓗᒍ ᓄᓇᕗᒻᒥ ᐅᖃᐅᓯᕐᓄᑦ ᒪᓕᒐᕐᒨᖓᖕᒪᖔᑦ
• ᖃᐅᔨᓴᕆᐊᖃᖅᐸᑦ ᖃᐅᔨᓴᖅᐸᒡᓗᒋᑦ ᐅᖃᖃᑎᒋᓗᒋᓪᓗ ᐱᓕᕆᖃᑕᐅᔪᑦ
• ᐊᑐᓕᖁᔨᔾᔪᑎᓕᐅᕐᓗᓂ ᐊᑲᐅᙱᓕᐅᕈᑕᐅᔪᖅ ᐋᖅᑭᖕᓂᐊᕐᓗᒍ
• ᑐᓴᐅᒪᑎᑕᐅᖏᓐᓇᕐᓗᑎᑦ ᖃᓄᐃᓕᐅᖅᐸᓪᓕᐊᓂᓕᒫᑦᑎᓐᓂ
   

ᐄ. ᐅᖃᐱᓘᑕᐅᔪᓕᒫᑦ ᑲᙳᓇᖅᑑᑎᑕᐅᕙᒃᐳᑦ ᐊᔾᔨᒌᒃᑎᑕᐅᓪᓗᑎᒡᓗ. ᐊᑏᑦ ᖃᐅᔨᔭᐅᔾᔮᙱᓚᖅ ᑭᓇᑐᐃᓐᓇᕐᒧᑦ ᖃᐅᔨᔭᐅᖁᙱᑐᐊᕈᖕᓂ.

ᐅᖃᐅᓯᕐᓄᑦ ᑭᒡᒐᖅᑐᖅᑎ ᒪᓕᖃᑦᑕᖅᐳᖅ ᐃᓄᐃᑦ ᖃᐅᔨᒪᔭᑐᖃᖏᑕ ᑐᙵᕕᖏᓐᓂᒃ, ᓲᕐᓗ:

• ᐃᒃᐱᒍᓱᑦᑎᐊᕐᓂᖅ – ᐃᓅᖃᑎᒥᓂᒃ ᐊᔾᔨᒌᒃᑎᑦᑎᓗᓂ ᐱᑦᑎᐊᖅᐸᒡᓗᓂᓗ
• ᐃᓚᓕᐅᔾᔨᓯᒪᑦᑎᐊᕐᓂᖅ – ᒪᑐᐃᙶᕐᓂᖅ ᑐᙵᓇᕐᓂᕐᓗ
• ᐱᔨᑦᑎᕋᕐᓂᖅ – ᐃᑲᔪᕐᓂᖅ ᓄᓇᓕᖕᓂᑦ
• ᐊᖏᖃᑎᒌᖕᓂᖅ – ᐃᓱᒪᓕᐅᕆᖃᑎᒌᖕᓂᖅ ᐊᑕᐅᑦᑎᒃᑯᑦ