Inuit Uqauhiitigut Kivgaqtuutit uvalu Atungnirit
Havaakhait tamaita timiujut
3. (1) Tamaita timiujut imailiurlutik, malikhugu uvani titiraqhimajumi ukualu pitqujaujut, piqaqqat,
(a) takunaqhilugit inungnun naunaijautit, ilaujut qilamiunirmun anivikhat, imaa Inuit Uqauhiitigut atautimun ukualu qujaginaq aalat uqauhiit atuqtaujut.
(b) tautuktaujuq tunilugillu nivingajukhanik nanminiqaqtullu tautuktipkainikkut, piqaqqat, talvani Inuit Uqauhiinik atauttikkut qujanginnani uqauhini atuqtaujun.
(c) pijaangini tapkua Inuit Uqauhiit titirarlugit inmi inungnun naunaitkutit, nivingajukhat ukualu naminiqaqtut tuhaqtidjutait imaa aadjikiiktumik ihuaqtut qujaginaq aalat uqauhiit atuqtaujut; uvalu
(d) tunihilutik, imaa Inuit Uqauhiitigut, titirarviini kivgaqtuqtut ukualu qujaginaq inungun ukualuuniin inungnun kivgaqtuutit tapkua piiunarialgit inungnun.
Kitut kivgaqtuutit tunijaujukhat imaa Inuit Uqauhiitigut
(2) Timiujut tuhaqtitilutik inungnun Inuit Uqauhiitigut humi tunihigumik hapkuninga kitunun kivgaqtuutinik:
(a) ihariagijaujut kivgaqtuutit, ilaujut
(i) qilamiunikkut, annakturnikkut, aadjikiiktut qilamiunirmun kivgaqtuutit hatumiarutiluuniin, ilaujut tuhaqtitinikkut kivgaqtuutit, ukualu
(ii) aanniaqtailinikkut, munaqhiliqinikkut havautikkut havautikkullu kivgaqtuutait.
(b) iglumingni, igluqaqtunun tungahuktitinirmun kivgaqtuutit, ilaujut
(i) niriviit, hiniktarviit, igluqaqtut igluliqinikkut kivgaqtuutit, ukualu
(ii) kivgaqtuutit igiluqaqtunun, ilaujut auladjutinun, uqhurjuanik, imarmik tuhaqtidjutiniklu.
(c) aipaa naunaijaqtauhimajut kivgaqtuutit tapkua Kamisinaa Atangujat katimajiit ihumagijaat ihuaqtuq pidjutaujuq inmi ihariagijatik akhuungnaqturluuniin qanuriniit atautinun.
Tuhaqtidjutit
(3) Ilaliutihimajut pijakhanun ataani titiraqhimajumi (1), tuhaqtidjutit inungnun titiraqhimajumi ilangani (2) hapkua:
(a) tamaita tuhaqtidjutit, qajangnautit maligahat turaangajut atuqtunun niuvaajuluuniin kivgaqtuutait.
(b) tatqiqhiutini akiligakhat, akiligakhat ukualu piumajaujut turaangajut inungnun kitut imaatun Inuit Uqauhiinik uqaqtiujut.
(c) aalat tuhaqtidjutit tapkua Kamisinap Atan’ngujat Katimajiit naunaijaqhimajait.
Uqarnikkut uvalu titirarnikkut tuhaqtidjutit
(4) Titiraqhimaninnga (3) pidjutiqaqtuq tamangnun uqarnikkut uvalu titirarnikkut tuhaqtidjutit.
Hiniktarvikhat nanminiqaqtunut timiujut
(5) Uqauhirnut Kamisina, tunijaugumik uuktuutikhamikluuniit ataani Ilangani 4, unalu Nunavut Apiqhuiviani Maligaliqijikkut, tunijaukpata uuktuutikhamik ataani Ilangani 4, ikajuutauniaqtuq nanminiqaqtumik havagviujumik pijakhamik pijariaqaqtuq ataani uumani titiraqhimajumi imaalu himmautaukpat ikitqijaujumik pitqujauhimajumik tuhapkaidjutikhanik ikajuutikhamikluuniit Inuit Uqauhiannik, pikpat
(a) nanminiqaqtut timiujut piliuqhimajut pidjutikhainut pidjutiqaqtunik ilitquhirnut, uqaqtainut, hakugikhivalliadjutikhanut akhuuqhaidjutikhanullu Inuinnaungittunut uqauhiqaqtunut uvaluuniit pitquhikkut nunallaani; unaluuniit
(b) ihuarijaat malikhautigilugu una titiraq ilanganun nanminiqaqtut havagviit ajuqhautauniaqtunik.