ᐃᓚᒋᔭᐅᓪᓗᓂ ᐊᑐᓕᖅᑎᑕᐅᓂᖓᓄᑦ ᐃᓄᐃᑦ ᐅᖃᐅᓯᖓᑕ ᓴᐳᒻᒥᔭᐅᓂᖓᓄᑦ ᐱᖁᔭᖅ (ILPA), ᑲᑐᔾᔨᖃᑎᒌᑦ ᐱᖁᔭᕐᒧᑦ ᒪᓕᒃᑐᑦ ᑕᑯᒃᓴᐅᑎᑦᑎᔭᕆᐊᖃᖅᐳᑦ ᖃᓄᖅ ᐃᒃᐱᒍᓱᑦᑎᐊᕐᒪᖔᑕ ᑲᔪᓯᑎᑦᑎᔪᓐᓇᕐᒪᖔᕐᒥᓂᒡᓗ ᐅᖃᐅᓯᕐᓄᑦ ᐱᔪᓐᓇᐅᑎᒋᔭᐅᔪᓂᒃ ᓄᓇᕗᒻᒥᐅᓄᑦ.
ᐃᑲᔪᖅᑐᕈᒪᓪᓗᒍ ᑕᒪᓐᓇ ᑲᔪᓯᓂᕆᔭᐅᕙᒃᑐᖅ, ᐱᑎᑦᑎᕗᒍᑦ ᐃᓄᐃᑦ ᐅᖃᐅᓯᖓᓄᑦ ᐸᕐᓇᐃᓂᕐᒧᑦ ᑎᙱᕋᖅᓯᒪᕙᒌᖅᑐᑦ. ᑖᓐᓇ ᑎᑎᕋᖅᓯᒪᔪᖅ ᐊᔪᙱᑎᑦᑎᕗᖅ ᑲᑐᔾᔨᖃᑎᒌᓂᒃ ᐃᒪᓐᓇ:
- ᖃᐅᔨᓴᕐᓗᑎᒃ ᒫᓐᓇ ᐊᑐᖅᐸᒃᑕᖏᓐᓂᒃ ᐱᔨᑦᑎᕋᕐᓂᐊᕐᓗᑎᒃ ᐃᓄᒃᑐᑦ (ᓇᓗᓇᐃᒃᑯᑕᑦ, ᑎᑎᕋᖅᑎᑦ, ᒪᓂᓴᐅᑎᑦ, ᐊᑭᓕᒐᒃᓴᓕᐅᕐᓂᖅ, ᐊᓯᖏᓪᓗ).
- ᐋᖅᑭᒃᓱᐃᔪᖃᕐᓗᓂ ᐊᑐᖅᑕᐅᓪᓚᕆᒍᓐᓇᖅᑐᓂᒃ ᐱᐅᓯᒋᐊᖅᑎᑦᑎᔪᒪᓂᕐᒧᑦ ᒪᓂᒪᑎᑕᐅᓂᖓᓂᒃ ᑕᑯᒃᓴᐅᓂᖓᓂᒡᓗ ᐃᓄᐃᑦ ᐅᖃᐅᓯᖓᑦ.
- ᐋᖅᑭᒃᓯᔪᖃᕐᓗᓂ ᖃᖓᒃᑰᕋᔭᕐᓂᖓᓂᒃ ᐊᑐᓕᖅᑎᑦᑎᓂᐊᕐᓗᓂ ᑕᒪᒃᑯᓂᖓ ᐊᑐᖅᑕᐅᔭᕆᐊᓕᖕᓂᒃ.
- ᓇᓗᓇᐃᕐᓗᒋᑦ ᖃᓄᖅ ᐃᓄᐃᑦ ᑐᓴᐅᒪᑎᑕᐅᓂᐊᕐᒪᖔᑕ ᐊᑐᐃᓐᓇᐅᓂᖏᓐᓂᒃ ᐱᔨᑦᑎᕋᐅᑎᑦ ᐃᓄᒃᑐᑦ.
ᐱᐊᓂᒃᑕᐅᒃᐸᑦ, ᐃᓄᐃᑦ ᐅᖃᐅᓯᖓᓄᑦ ᐸᕐᓇᐅᑎ ᑐᓐᓂᖅᑯᑕᐅᔭᕆᐊᖃᖅᐳᖅ ᐅᖃᐅᓯᕐᓄᑦ ᑲᒥᓯᓇᐅᑉ ᐊᒡᓚᒡᕕᐊᓄᑦ ᓄᓇᕗᒻᒥ, ᑖᓐᓇᓗ ᑲᒪᒋᔭᒃᓴᖃᖅᖢᓂ ᕿᒥᕐᕈᒃᑲᓐᓂᕐᓂᕐᒥᒃ ᑲᒪᒋᔭᖃᖅᐸᖕᓂᕐᒥᒡᓗ.
ᑕᑯᔪᓐᓇᖅᑕᐃᑦ ᐊᑕᖏᖅᑐᑦ ᑎᑎᕋᖅᓯᒪᔪᑦ ᐅᕙᙵᑦ: ᐃᓄᐃᑦ ᐅᖃᐅᓯᖓᓄᑦ ᐸᕐᓇᐅᑎᒧᑦ ᑎᑎᕋᖅᓯᒪᕙᒌᖅᑐᑦ | ᐅᖃᐅᓯᕐᓄᑦ ᑲᒥᓯᓇ ᓄᓇᕗᒻᒧᑦ