Aulapkaiji Hanaqidjutinun Upalungaijainirmun Atugakhanullu: Aramide (Lola) Owoaje
Aramide (Lola) Owoaje, Aulapkaiji Hanaqidjutinun Upalungaijainirmun Atugakhanullu talvani Havagviani Uqauhinun Kamisinaup Nunavunmi. Umani havaangani, havaqatigivaktaa Uqauhirnut Kamisina tammaqtailivlugu uqauhikkut pilaarutit Nunavunmiunut. Pihimablugu Havagvik ihuangnikkut pihimajut havagiangini pitqujaujut imaa havaklugit hivuliqhuqhugillu ajuittiaqhimajut havaqatigiit ihivriuqtaaqtut uqauhikkut ihuiguhuutit uvalu piliurlutik ihuaqtunik pitquidjutinik ihuaqhaidjutikhanik.
Ajuittiagiikhimajuq havakpakhimajainik maniliqinikkut, maniliqinikkut, atugakharnik, ihivriudjutikharniklu, Lola qaritijuq avaliqangitumik ajuittiagiikhimajainik havaagijainun. Nunaqaqpakhimajuq Iqalungni taima avatquhimajumik 10 ukiuni havaliqtinani Havagvingmi, qiniqhimaaqpaktuq naunaitumik hanaqidjutikharnik tuniffaagianganik nunalaanun taima aituihimaaqpakhimajut anginirmik inminun ilagijainunlu.
Inmikkut pilaqhuutit: Quviagiyaingit pitquhingit uqauhingitlu Nunavunmi, Lola quviahuutiqaqtuq havakpaktainik talvani Havagviani Uqauhiliqiyunik Kamisinam Nunavunmi. Quviagiyaingit tautugianganik uqauhingit malikhautikhangit Nunavunmi pittiaqtaunginaqtuq quviahuutiqaqhunilu ikayugianganik Nunavunmiunun naunaiyaiyaangat uqauhingit pidjutigiyaingit munagidjutikharnik.
Hanaqijakhanik Ajuittiaqhimajuq: Wendy Makpah
Wendy Makpah-Tatty Hanaqijakhanik Ajuittiaqhimajuq uvani Havagviani Uqauhiinut Kamisinap Nunavunmi. Hivuliujuq hivajagahaq qujaginaq ihuiguhuutinun ilaujunun aviktuqhimajumi hitamat uqauhiitigut. Ilauliqtuq Havagvianun uvani Tattiarnaqtuq 2024.
Ilaliutihimayuq havaamini, Wendy Naunaitkutiqaqtuq Iqaiyangnikkut Iqaiyaiyi quviagiyaa miqhurnirmik ilihainirmiklu. Malrungnik uqauhiqaqhuni Inuinaq maamauyuq, quviagiyaa pihimalugu Inuktitut uqauhiq inuuhimaaqlugu hivuniptingni. Inminun, aghuungnaqtuq takulugit Inuktitut ilauyut haniani Qablunaatut Uivivitunlu inuit nayugaini, naunaiyautaungman aghuurutaanun Inuktut Uqauhiit uvalu Inuit naunaiyautait Nunavunmi.
Ihivriurutikhanut Ilittuqhaidjutikhanullu Havakti: Rebecca Taukie
Rebecca Taukie angiklihimajuq Kinngaini 48 ukiuni, kinguani nunaqaqhimajuq pingahuni aalani nunallaani. Aipagaluangalu, Joe Taukie, pamiqhijuq talimanik nutaqqanik atuqhimablugulu Aullaqtitauhimapluni Ahinut Ilihariaqtuqhimajunut atuqtaujumik.
Havakhimaanginaqtuq amigaitunik ukiunganik havaagivakhimayainik ikayugianganik iliharvingmi titiraqtiuvakhuni DEAkutnilu Havakviani Atanguyauvakhuni nuutinani Iqalungnun 2019mi malrungnik ukiunganik Uqaqtiuvakhimayuq/Numiktigiyaangat ilihairutingnik. Iniqtiqtaa ilihaidjut uvani 2022mi anginiqhaqmik naunaitkutaqaqtuq uvalu nan'ngariyauyuq. Rebecca havaliqtuq talvani Havagviani Uqauhiliqiyunik Kamisinam Nunavunmi Ihivriuqtiuvakhimayuq Ihivriuqtiuvakhimayuq, talvani ihivriuqpakhimayuq ihuagiyaungitunik naunaiyaiyaangat pigiaqaqtun talvuuna Ilitagiyauhimayunik Uqauhingit Maligaq uvaniluuniit Inuktut Tammaqtailinikkut Maligaq.
Inmikkut pilaqhuutit: Rebecca akhut havakhimaanginaqtuq tamaqtailiyaangat akhurhairutikharnik Inuktitut uqauhirnik. Tautuktitihimaaqtuq ingutani ingutanilu haffumunga Inuktut ubluq tamaat, pihimablugu pihimalugu uqauhiq hivumut hivuniptingni qaiyunun.
Nukakhiujuq Ihivriurutikhanut Ilittuqhaidjutikhanullu Havakti: Ayette Tshimanga
Ayette Tshimanga Nukakhiq Ihivriuqtiuyuq Ihivriuqtiuvakhimayurlu Havaktiuyuq talvani Havagviani Uqauhiliqiyunik Kamisinam Nunavunmi. Uvani havaangani, munagihimaaqpaktuq ihuagiyaungitunik tuyuqtauvakhimayut Havagvingmun, talvanga naunaiyaiyaangat pigiaqaqtunik ihumagiyauyunik aulatitiyaangat ihivriudjutikharnik ikayuutikharnik nanmniqaqtunik havakviingit pivalliayaangat aulatitiyaangatlu Inuktut Uqauhikkut Upalungairutikharnik.
Inmikkut pilaqhuutit: Ilihimagami malruuk Nunaqaqqaarhimayut uqauhingit tammaqtut tatqirhiut tamaat nunaryuaptikni, Ayette kangiqhimayuq havaanga tuniyuq tammaqtailininnganut atuliqtitauninnganullu Inuktut, qitqani pipkaidjutigiyaa. Havaamini, ikajuqpaktait timiqutit Nunavunmi pijanginni uqauhikkut havaktakhamiknik ataani Ilitarijauhimajuni Uqauhini Maligaqmi uumanilu Inuktut Tammaqtailinikkut Maligaqmi, pipkainikkut uqauhiq aulahimmaarluni atuqtauraanginnarluni hivunikhaptiknun.
Qaujihainirmut Tuhaumapkaidjutikhanullu Tutqikhaiji: Philippe Andy Desgrottes
Philippe Andy Desgrottes Qaujihainirmut Tuhaumapkaidjutinullu Tutqikhaijiujuq uvani Havagviani Uqauhikkut Kamisina Nunavunmi. Umani havaarijakhami, munaqhijuq qaujihaidjutikhanik, katiqhiluni naunaitkutikhanik naunaijautikkut, tunihiluni ukiuq tamaat unniudjunmik, imaalu upalungaijarluni pitqujauhimajunik. Havaqatigiblugulu Hivuliqhuqti Atulirumajaujunik Upalugaijainiq Pitquhirniklu agitqijanik hulijutinik ikajuqtuijut Titirarviup havaakhitauniginik.
Inmikkut pilaqhuutit: Philippe quviagijaa aituijaangat hanaqidjutikharnik anginirmik inminin, talvuunaluaq uqauhirnik utiqtitijaangat munagidjutikharniklu uqauhirnik pidjutigijainik. Ihumagijuq hakugiktut uqauhingit akhuurutaujuq hakugiktigiami tamarmik kinaujaakhaanik nunagijamingniklu tamainni Nunavunmi.
Tuhaqtipkainirmut Ajuittiaqhimajuq: Cedric Samy Yann Kam
Cedric Samy Yann Kam Tuhaqtipkainirmut Ajuittiaqhimajuq talvani Havagviat Uqauhirnut Kamisina Nunavunmi.
Umani havaarijakhami, munarivaktait Havagviup iluani hilataanilu tuhaumapkaidjutikhat, ilaujut qaritaujakkuurutit, inungnun tuhaumapkaitjutinin takunnaqtut, makpiraaliuqhimajut, kangiqhipkaidjutikhat, imaalu ikajuqhirvikhat titiqqat akhuuqhaijut qaujimajakhainnik uqauhikkut pilaarutinik. Ikayukhimaanginaqtuq iliqatigiiktunik naunaiyaiyaangat tamaita tuhaqtitiyaangat naunaitunik, pigiaqaqtunik, pittiarutikharnik Nunavutim pingahuuyut ilitagiyauhimayut uqauhingit: Inuktut (Inuktitut Inuinnaqtunlu), Qablunaaqtun, Uiviititunlu
Inmikkut pilaqhuutit: Hakugiktumik havakpakhimayainik tuhaqtitiyaangat titiqiqidjutiliqinikkutlu, Cedric upiqhimayuq uqauhiq ingilrutigiyaunginaqtuq tuhaqtitiyaangat kihimi katitirutikharnik ilitagidjutikharnik, pitquhingnik, mihingnautiqaqtuniklu ilaudjutikharnik. Havakpaktait talvani Havagvingmi aituihimaaqpaktun munagidjutikharnik atuqhimaaquyaangatlu uqauhirnik pidjutikharnik, ikayukhimaaqhunilu naunaiyaiyaangat tamaita Nunavunmiutat inuuhimaagianganik uqauhirnik ihumagiyainik.