ᐊᐱᖅᑯᑕᐅᒐᔪᒃᑐᑦ

ᐱᔪᓐᓇᕐᓂᖃᖅᐳᑎᑦ ᑐᓴᐅᒪᖃᑎᒌᒋᐊᒃᓴᖅ ᐱᔨᑦᑎᕋᖅᑕᐅᔪᓐᓇᕐᓗᑎᓪᓗ ᐅᑯᑎᒎᓇᖅ:

• ᐃᓄᒃᑐᑦ (ᐃᓄᒃᑎᑐᑦ ᐊᒻᒪᓗ ᐃᓄᐃᓐᓇᖅᑐᓐ)
• English
• ᐅᐃᕖᑐᑦ

ᑖᒃᑯᐊ ᐱᔪᓐᓇᐅᑎᑦ ᐊᑐᖅᐳᑦ ᓄᓇᕗᑦ ᒐᕙᒪᒃᑯᖏᓐᓄᑦ, ᒪᓕᒐᓕᐅᕐᕕᖕᒧᑦ, ᐃᖅᑲᖅᑐᐃᕕᖕᓄᑦ, ᕼᐋᒻᒪᓚᒃᑯᓐᓄᑦ, ᐃᓛᓐᓂᒃᑯᓪᓗ, ᓇᖕᒥᓂᕆᔭᐅᔪᓄᑦ ᒐᕙᒪᑐᖃᒃᑯᓐᓄᓪᓗ ᐱᓕᕆᕝᕕᖕᓄᑦ.

ᐅᖃᐅᓯᕐᓄᑦ ᑲᒥᓯᓇᐅᑉ ᐊᒡᓚᒡᕕᐊᓄᑦ ᓄᓇᕗᒻᒧᑦ ᐅᖃᐱᓗᒍᓐᓇᖅᐳᑎᑦ.  ᑲᒥᓯᓇ ᐃᒻᒥᒃᑰᖅᖢᓂ ᐅᓐᓂᕐᓗᒡᕕᐅᖃᑦᑕᖅᐳᖅ, ᖃᐅᔨᓴᖅᐸᒃᖢᓂ ᐱᔾᔪᑕᐅᔪᓂᒃ ᐱᖁᔨᕗᖔᓕᐅᖅᐸᒃᖢᓂᓗ ᖃᐅᔨᒪᑦᑎᐊᕈᒪᓂᕐᒧᑦ ᒪᓕᑦᑎᐊᕋᓗᐊᕐᒪᖔᑕ ᓄᓇᕘᑉ ᐅᖃᐅᓯᕐᓄᑦ ᒪᓕᒐᖏᓐᓂᒃ.

ᐃᒪᐃᓕᐅᕈᓐᓇᖅᑐᑎᑦ:

• ᑕᑕᑎᕐᓗᒍ ᖃᕆᑕᐅᔭᒃᑯᑦ ᑎᑎᕋᕐᕕᒃᓴᖅ ᐃᑭᐊᖅᑭᕕᑦᑎᓐᓂ
• ᐊᐅᓪᓚᖅᑎᓪᓗᒍ ᐃᕐᖐᓐᓈᖅᑕᐅᒃᑯᑦ, ᑎᑎᖅᑲᒃᑯᕕᒃᑯᑦ, ᓱᒃᑲᔪᒃᑯᓪᓘᓐᓃᑦ
• ᐅᖄᓚᕝᕕᒋᑎᒍᑦ ᐊᑭᖃᙱᑦᑐᒧᑦ ᐅᕗᖓ 1 (867) 975-5080

ᐱᙱᒃᑯᕕᑦ ᓇᓗᓇᐃᖅᓯᔾᔪᑎᒥᒃ ᐅᓪᓗᑦ ᑕᓪᓕᒪᑦ ᐃᖅᑲᓇᐃᔭᕐᓇᐃᑦ ᐃᓗᐊᓂ, ᐅᕙᑦᑎᓐᓄᑦ ᐅᖄᓚᓂᐊᖅᐳᑎᑦ. 

ᐃᒪᐃᓕᐊᕐᓂᐊᖅᐳᒍᑦ:

• ᓇᓗᓇᐃᕐᓗᒍ ᓇᓕᖅᑲᖅ
• ᖃᐅᔨᒋᐊᕐᓗᒍ ᐃᓱᒫᓘᑎᒋᔭᐃᑦ ᐅᕘᓈᖅᓯᒪᖕᒪᖔᑦ ᐃᓕᓴᕆᔭᐅᓯᒪᔪᑦ ᐅᖃᐅᓰᑦ ᐱᖁᔭᖓ (OLA) ᐅᕝᕙᓘᓐᓃᑦ ᐃᓄᒃᑐᑦ ᓴᐳᔾᔨᓂᕐᒧᑦ ᐱᖁᔭᖅ (IPA)
• ᖃᐅᔨᓴᕆᐊᖃᖅᐸᑦ ᖃᐅᔨᓴᖅᐸᒡᓗᒋᑦ ᐅᖃᖃᑎᒋᓗᒋᓪᓗ ᐱᓕᕆᖃᑕᐅᔪᑦ
• ᐊᑐᓕᖁᔨᔾᔪᑎᓕᐅᕐᓗᓂ ᐊᑲᐅᙱᓕᐅᕈᑕᐅᔪᖅ ᐋᖅᑭᖕᓂᐊᕐᓗᒍ
• ᑐᓴᐅᒪᑎᑕᐅᖏᓐᓇᕐᓗᑎᑦ ᖃᓄᐃᓕᐅᖅᐸᓪᓕᐊᓂᓕᒫᑦᑎᓐᓂ
   

ᐄ. ᐅᖃᐱᓘᑕᐅᔪᓕᒫᑦ ᑲᙳᓇᖅᑑᑎᑕᐅᕙᒃᐳᑦ ᐊᔾᔨᒌᒃᑎᑕᐅᓪᓗᑎᒡᓗ. ᐊᑏᑦ ᖃᐅᔨᔭᐅᔾᔮᙱᓚᖅ ᑭᓇᑐᐃᓐᓇᕐᒧᑦ ᖃᐅᔨᔭᐅᖁᙱᑐᐊᕈᖕᓂ.

ᐅᖃᐅᓯᕐᓄᑦ ᑭᒡᒐᖅᑐᖅᑎ ᒪᓕᖃᑦᑕᖅᐳᖅ ᐃᓄᐃᑦ ᖃᐅᔨᒪᔭᑐᖃᖏᑕ ᑐᙵᕕᖏᓐᓂᒃ, ᓲᕐᓗ:

• ᐃᒃᐱᒍᓱᑦᑎᐊᕐᓂᖅ (ᐃᓅᖃᑎᒌᑦᓯᐊᕐᓂᖅ) – ᐃᓅᖃᑎᒥᓂᒃ ᐊᔾᔨᒌᒃᑎᑦᑎᓗᓂ ᐱᑦᑎᐊᖅᐸᒡᓗᓂᓗ
• ᐃᓚᓕᐅᔾᔨᓯᒪᑦᑎᐊᕐᓂᖅ – ᒪᑐᐃᙶᕐᓂᖅ ᑐᙵᓇᕐᓂᕐᓗ
• ᐱᔨᑦᑎᕋᕐᓂᖅ (ᐱᔨᑦᓯᕐᓂᖅ) – ᐃᑲᔪᕐᓂᖅ ᓄᓇᓕᖕᓂᑦ
• ᐊᖏᖃᑎᒌᖕᓂᖅ(ᐋᔩᖃᑎᒌᖕᓂᖅ) – ᐃᓱᒪᓕᐅᕆᖃᑎᒌᖕᓂᖅ ᐊᑕᐅᑦᑎᒃᑯᑦ